Ялга вакыт юк: Олимпиадага әзерләнәбез
Укучыларның куллану белемен арттыруга багышланган озак сроклы максатчан программа чараларын үтәү йөзеннән, Татарстан Республикасы Дәүләт алкоголь инспекциясе инде беренче ел гына гомуми белем бирү учреждениеләренең 8-11 сыйныф укучылары өчен кулланучылар белеме нигезләре буенча республика олимпиадасын үткәрми.
Олимпиада кулланучылар хокукларын яклау өлкәсендә белемнәрне популярлаштыру, уку йортларында укучыларның куллану базары мәсьәләләрен тирәнтен өйрәнүгә мотивациясен арттыру, белем һәм норматив хокукый актларны куллана белү, шулай ук укучыларның бу өлкәдә иҗади потенциалын ачуга ярдәм итү, кулланучылар буларак үз хокукларын яклауга кызыксыну уяту һәм актив гражданлык позициясен эшләү максатыннан үткәрелә.
Шуны да билгеләп үтәргә кирәк, «Кулланучылар хокукларын яклау» темасына үткәрелгән Олимпиада нәтиҗәләре балаларга белем һәм өстәмә белем бирү өлкәсендә муниципаль берәмлекләрнең рейтинг бәясенә кертелгән.
Быел, элеккеге кебек үк, кулланучылар белемнәре буенча республика Олимпиадасының беренче этабы сентябрьнең беренче числоларында башлана.
25.08.2022 көнне Татарстан Республикасы Дәүләт алкоголь инспекциясенең Казан территориаль органының эчке базарны үстерү һәм координацияләү бүлеге башлыгы Балык Бистәсе муниципаль районы Башкарма комитетының педагогик хезмәткәрләре һәм мәгариф бүлеге хезмәткәрләре киңәшмәсендә катнашты.
Әлеге киңәшмә дистанцион форматта узды, анда Марсель Шаһидуллин тыңлаучыларны район күрсәткечләре һәм Олимпиада буенча гомуми мәгълүмат белән таныштырды.