Яшь буын белән хокукый белем дәресе
2022 елның 15 сентябрендә Татарстан Республикасы Арча территориаль органының эчке базарны үстерү һәм координацияләү бүлеге башлыгы Ләйсән Абдуллина Әтнә муниципаль районының Олы Мәнгәр төп гомуми белем бирү мәктәбендә 8-9 сыйныф укучылары өчен кулланучылар белеме нигезләре буенча сыйныфтан тыш дәрес үткәрде.
Кулланучылар хокуклары өлкәсендә үсеп килүче буын арасында хокукый белемне арттыру кулланучылар базары шартларында мөһим һәм үз вакытында башкарылган эш булып тора. Үз хокукларын белмәү еш кына кулланучының товарны мөстәкыйль алмаштыра, сыйфатсыз хезмәттән баш тарта яки акчаны кире кайтара алмавына китерә. «Кулланучылар хокукларын яклау турында»гы Законны өйрәнергә, кулланучы культурасын арттырырга, төрле ситуацияләрдә кая мөрәҗәгать итәргә кирәклеген белергә, сатып алганда белемле һәм игътибарлы булырга, үз хокукларыңны күрсәтергә курыкмаска кирәк. Дәрес вакытында Кулланучылар хокукларын яклау турындагы законнарга җентекле аңлатма бирелде. Мөрәҗәгатьләрне карау практикасыннан мисаллар китерелде. Укучылар сораулар бирделәр, көндәлек тормышта булган конкрет ситуацияләр турында әңгәмәдә катнаштылар. Бу дәрескә аерым атмосфера бирде, чөнки укучылар гади кулланучылар ролен башкардылар, һәм алар үз хокукларын грамоталы якларга, сыйфатлы продукт, товар яки хезмәткә карата дөрес сайлау ясарга өйрәнделәр.
Шулай ук «Кулланучылар хокукларын яклау» темасы буенча Олимпиада, анда теркәлү сроклары турында да мәгълүмат бирелде. Балалар Олимпиада белән кызыксындылар һәм актив катнашырга булдылар.
Чара ахырында сорау-җавап формасында мини викторина үткәрелде. Чара кулланучылар хокукларын яклау өлкәсендә брошюралар һәм «Кулланучылар хокукларын яклау турында» РФ Законын өләшү белән үрелеп барды.