Менделеевск районында кулланучылар хокукларын яклау буенча Олимпиадада катнашучылар белән эш дәвам итә
Менделеевск шәһәренең 1 нче гимназиясе 2021 ел нәтиҗәләре буенча укучыларны Кулланучылар хокукларын яклау буенча республика Олимпиадасына әзерләү буенча иң яхшы мәктәп дип танылды. Гимназия кулланучылар хокукларын яклау буенча белем алуга юнәлдерелгән эшчәнлек өлкәсендә Татарстан Республикасы Дәүләт алкоголь инспекциясенең Яр Чаллы территориаль органы белән озак вакытлар хезмәттәшлек итә.
Бу хезмәттәшлек үсеп килүче буынның кулланучылар культурасын күтәрү, яшь гражданнарның актив тормыш позициясен тәрбияләү юлларының берсе булып тора. Социаль партнерлык кысаларында укучыларның кулланучылар культурасын күтәрүгә юнәлдерелгән уртак чаралар: түгәрәк өстәлләр, диспутлар, викториналар үткәрелә.
Педагог, тарих һәм җәмгыять белеме укытучысы Э. Вәлиева җитәкчелегендәге гимназия укучылары ел саен кулланучылар хокукларын яклау буенча республика Олимпиадасында җиңү яулыйлар. Олимпиадада катнашучылар катлаулы биремнәрне үтәп, максатка омтылуларын, стандарт булмаган фикер йөртүләрен күрсәтәләр.
2022 елда 2 турга үткән укучылар белән эш дәвам итә. Барлык укучыларга да Олимпиаданың барлык этапларын уңышлы узуларын һәм җиңүләрен телибез!