Мамадыш муниципаль районы башкарма комитеты җитәкчесе катнашында эшче төркем киңәшмәсе узды
Татарстан Республикасы Дәүләт алкоголь инспекциясенең Яр Чаллы территориаль органында Татарстан Республикасы Мамадыш муниципаль районы Башкарма комитеты җитәкчесе Олег Павлов катнашында эшлекле киңәшмә узды. Киңәшмәдә Яр Чаллы территориаль органы начальнигы Гөлшат Вафина, Мамадыш муниципаль районы башкарма комитеты һәм Яр Чаллы территориаль органы хезмәткәрләре катнашты.
Киңәшмә кысаларында 2022 елның 10 ае нәтиҗәләре буенча районда алкогольле продукцияне ваклап сату базарының торышын бәяләү күрсәткечләре каралды һәм анализланды, Яр Чаллы территориаль органының контроль-инспекция бүлеге башлыгы Наталья Арсланова алкоголь базарында хокук бозуларны кисәтү өлкәсендәге эш турында доклад белән чыгыш ясады.
Киңәшмә нәтиҗәләре буенча сәүдә объектларында Татарстанда җитештерелгән алкогольле продукциянең ассортиментын һәм тәкъдим ителүен киңәйтү, алкогольле һәм спиртлы продукциянең легаль булмаган әйләнешен ачыклау һәм булдырмау буенча эшне көчәйтү бурычлары куелды.