Бүләк үзенең иясен тапты
2022 елның 15 декабрендә Казан шәһәренең 83 нче мәктәбендә тантаналы чара узды. Татарстан Республикасы Дәүләт алкоголь инспекциясе җитәкчесе Җәүдәт Әхмәтханов 9 нчы сыйныф укучылары белән очрашты. Очрашуның максаты - кулланучылар хокукларын яклау буенча республика Олимпиадасы җиңүчесен бүләкләү.
Барлык конкурс этапларын үткәрү нәтиҗәләре буенча, 9 сыйныф укучысы Софья Тагильцева югары нәтиҗәләр күрсәтте һәм Татарстан Республикасының 8-9 сыйныф укучылары арасында абсолют җиңүче булды. Җәүдәт Әхмәтханов Софиягә медаль, диплом, җиңүченең мактаулы кубогын һәм башка кыйммәтле бүләкләр тапшырды.
Татарстан Республикасында кулланучылар белеме системасын үстерүгә керткән өлеше өчен 83 нче мәктәпнең тарих һәм җәмгыять белеме укытучысы Бегунова Мария Александровна Татарстан Республикасы Дәүләт алкоголь инспекциясе җитәкчесенең һәм Татарстан Республикасы Мәгариф һәм фән министрының Рәхмәт хаты белән бүләкләнде.
Исегезгә төшерәбез, Татарстан Республикасы Дәүләт алкоголь инспекциясе «2014-2025 елларга Татарстан Республикасында кулланучылар хокукларын яклауның комплекслы системасын үстерү» максатчан программасының координаторы булып тора. Программаның өстенлекле юнәлешләренең берсе - куллану белемен арттыру, шул исәптән урта уку йортлары укучылары өчен куллану белемнәре нигезләре буенча Олимпиада үткәрү. Олимпиада безнең республикада инде унынчы ел үткәрелә. 2022 елда мәктәп укучылары арасында «Кулланучылар хокукларын яклау» темасы буенча республика Олимпиадасында катнашу өчен 8198 укучы гариза бирелгән иде.