Арча территориаль органы тарафыннан 2022 елгы эшкә йомгак ясалды
2023 елның 09 февралендә Татарстан Республикасы Дәүләт алкоголь инспекциясенең Арча территориаль органында территориаль органның 2022 елгы эшчәнлегенә йомгак ясау буенча киңәшмә узды һәм 2023 елга бурычлар билгеләнде.
Киңәшмәдә Татарстан Республикасы Дәүләт алкоголь инспекциясенең эчке базарны үстерү һәм координацияләү бүлеге башлыгы Розалия Арсланова, Татарстан Республикасы Дәүләт алкоголь инспекциясенең контроль-инспекция бүлеге башлыгы Татьяна Хәбибуллина, Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров, территориаль орган хезмәткәрләре һ. б. катнашты.
Эшчәнлек нәтиҗәләре буенча Арча территориаль органы начальнигы Булат Кадыйров уңай якларны да, булган җитешсезлекләрне дә билгеләп үтте.
Киңәшмәдә түбәндәге юнәлешләр каралды:
- алкогольле һәм спиртлы продукция әйләнешен контрольдә тоту;
- кулланучылар базары өлкәсендә хокук бозуларны булдырмау һәм кисәтү;
- кулланучылар хокукларын яклау;
- республика җитештерүчеләре товарларын таныту;
- декларацияләү, лицензияләү һ. б.
Территориаль орган эшчәнлегенең нәтиҗәлелеген бәяләү рейтингы кабат анализланды.
Татарстан Республикасы Дәүләт алкоголь инспекциясенең структур бүлекчәләре башлыклары территориаль органның эшчәнлекнең барлык юнәлешләре буенча эшчәнлегенә җентекле бәя бирделәр һәм аерым күрсәткечләрне яхшырту, эшне оештыру буенча тәкъдимнәр әйттеләр.