Алкоголь базарында катнашучылар игътибарына

Алкоголь базарын җайга салу буенча Федераль хезмәтнең Декларацияләү идарәсе  этил спирты, алкогольле һәм спиртлы продукция җитештерү, әйләнеше һәм ваклап сату күләмнәрен учетка алуны һәм декларацияләүне хәл итүче оешмалар һәм хосусый эшмәкәрләргә декларацияләрне (декларацияләр күчермәләрен) билгеләнгән срокта тапшыру зарурилыгын исләренә төшерә.

Моннан тыш “Росалкогольрегулирование”нең 23.08.2012 ел, №231 боерыгы белән расланган Декларацияләрне тутыру тәртибе нигезендә, декларацияләр тутырганда түбәндәгеләрне исәпкә алырга кирәк:

эшчәнлекне хәл итү урыннарын расшифровкалап, оешма буенча бер декларация тапшырыла;

декларациянең титул битендә барлык реквизитларны тутырырга, шул исәптән оешманың (хосусый эшмәкәр) электрон адресын күрсәтергә кирәк;

декларациядә оешманың КПП эшчәнлекне хәл итү урыны буенча күрсәтелә;

декларацияләрдә күләмнәр күрсәткечләре, өтердән соң өченче билгегә кадәр, декалитрларда (1 декалитр 10 литрга тигез) тутырыла;

декларацияләрдә этил спиртын, алкогольле һәм спиртлы продукцияне сатып алу, продукциянең фактта кабул итеп алыну датасын учетка алмыйча, товар-транспорт накладное (ТТН) нигезендә продукцияне төяп озату датасын, номерын һәм күләмен күрсәтеп, товар җибәрүченең продукцияне төяп озату чорында чагылдырыла;

электрон рәвештәге декларацияләр “Росалкогольрегулирование” нең 28.08.2012 ел, №237 боерыгы белән расланган формат нигезендә тутырыла. Аерымланган подразделениеләрдән чыгып, тулаем оешма буенча күләмнәрне ялгыш күрсәтмәс өчен электрон рәвештәге декларацияләрдә оешманың аерымланган һәр подразделениесе буенча мәгълүматлар гына тутырыла. Эшчәнлек шулай ук оешманың юридик адресы буенча да хәл ителгән очракта әлеге адрес буенча эшчәнлек турында мәгълүматларны “Оешманың аерымланган подразделениесе буенча мәгълүматлар” бүлегендә чагылдырырга кирәк (ИНН, КПП һәм адресын күрсәтеп).

Декларацияләр югарыда күрсәтеп үтелгәннәрне исәпкә алмыйча тапшырылганда, төзәтмә декларацияләр (корректирующие декларации) тапшырырга кирәк.