Минзәлә гимназиясе укучыларына Бөтендөнья кулланучылар хокукларын яклау көне турында
Бөтендөнья кулланучылар хокукларын яклау көне кысаларында Татарстан Республикасы Дәүләт алкоголь инспекциясенең Яр Чаллы территориаль органы белгечләре Татарстан Республикасының Минзәлә районында булдылар.
Эчке базарны үстерү һәм координацияләү бүлеге белгечләре Минзәлә гимназиясендә 8-10 сыйныф укучылары белән чара үткәрделәр.
Очрашуда укучыларга Бөтендөнья кулланучылар хокукларын яклау көне бәйрәменең барлыкка килүе турында сөйләделәр. Бәйрәм ел саен 15 мартта билгеләп үтелә һәм 2023 елда «Экологик чиста энергиягә һәм продукциягә күчү юлы белән кулланучыларның хокукларын һәм мөмкинлекләрен киңәйтү» девизы астында уздырыла.
Укучылар белән куллану гадәтләрен үзгәртү өстенлекләре һәм кирәклеге, экологик чиста товарлар һәм хезмәтләр сайлау кирәклеге турында сөйләштеләр: энергетик чиста йортлар (җылыту, суыту, ризык әзерләү, суыткычлар); энергетик чиста транспорт; чиста электр белән тәэмин итү; экологик чиста азык-төлек.
Кулланучыларның үз-үзләрен тотышындагы мондый үзгәрешләр климат кризисын булдырмау юлында зур үзгәрешләргә китерәчәк.
Климат үзгәрүе буенча Экспертлар (МГЭИК) энергия кулланудагы үзгәрешләр атмосферага парник газлары чыгаруны 2050 елга 70% ка кадәр киметергә мөмкинлеген исбатлаган. Практикада, бу кулланучылар, базарда катнашучылар буларак, чиста энергиягә күчүдә үз өлешләрен кертә алалар дигән сүз.
Очрашуда укучыларга «Кулланучылар хокукларын яклау турында» 1992 елның 7 февралендәге 2300-1 номерлы РФ Законының төп төшенчәләре һәм статьялары аңлатылды. «Закон»ның 7 статьясына аерым игътибар бирелде, анда кулланучының товар (эш, хезмәт) кулланганда, саклаганда, ташу һәм утильләштергәндә кулланучыларның тормышы, сәламәтлеге һәм әйләнә-тирә мохит өчен куркынычсыз булу хокукы беркетелә.
Очрашу ахырында истәлекле фотолар ясалды, укучыларга мөстәкыйль өйрәнү өчен Татарстан Республикасы Дәүләт алкоголь инспекциясе тарафыннан эшләнгән буклетлар тәкъдим ителде, шулай ук очрашуда катнашучыларның барысына да кайнар линия телефоны эше турында хәбәр ителде: (88552)71-43-03.
Минзәлә гимназиясенең МББУ җитәкчелеге үткәрелгән чара өчен белгечләргә рәхмәт белдерде. Бөтендөнья кулланучылар хокукларын яклау көненә багышланган чаралар дәвам итә, шәһәрнең башка уку йортларында һәм сәүдә үзәкләрендә кулланучылар белемен арттыруга юнәлдерелгән лекцияләр, семинарлар, дәресләр үткәреләчәк.