Кулланучыларга ярдәм йөзеннән

Хуҗалык итүче субъектларның һәм халыкның хокукый яктан аң-белемен арттыру, кулланучылар базарында хокук бозуларны кисәтү, шулай ук Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге белгечләре тарафыннан кулланучыларны борчый торган мәсьәләләрне тиз генә хәл итү максатыннан чыгып, шәһәрнең сәүдә комплексларында һәм базарларда консультация пунктлары оештырылды. Алар, график нигезендә, даими эшләячәк.

ТРК “Южный” ( “Южный” сәүдә-күңел ачу комплексы) (Казан ш., Җиңү проспекты, 91) – 2013 елның 14 августында һәм 11 сентябрьдә 14.00дән 15.30 сәгатькәчә);

ТЦ “Ягодная слобода” (“Ягодная слобода” сәүдә үзәге) (Казан ш., Краснококшайская ур., 92) – 2013 елның 15 августында һәм 19 сентябрьдә 10.00дән 11.30 сәгатькәчә;

ТРК “Азино” (“Азино” сәүдә-күңел ачу комплексы) (Казан ш., Минская ур., 9 й.) – 2013 елның 22 августында һәм 26 сентябрьдә 9.30дан 11.30 сәгатькәчә;

ЗАО “Демайз” – Чеховский рынок (“Демайз” ЯАҖ – Чехов базары) (Казан ш., Чехов ур., 2) – 2013 елның 23 августында, 13 һәм 27 сентябрьдә 9.30дан 11.00 сәгатькәчә;

ТЦ “Бигзур” (“Бик зур” сәүдә үзәге) (Себер тракты, 34/12 й.) – 2013 елның 5 сентябрендә 9.30дан 11.30 сәгатькәчә.

Кулланучылар хокукларын саклау өлкәсендә гамәлдәге законны үтәү мәсьәләләре буенча консультацияләр сатып алучылар, сәүдә комплекслары һәм базарлар территорияләрендә эшләүче эшмәкәрләр, сатучылар өчен, шулай ук килеп туган проблеманы хәл итү юлларын ачыклау максатыннан мөрәҗәгать иткән теге яки бу физик затлар өчен үткәрелә. Кулланучыларның һәркайсы өчен басма продукция (газеталар, буклетлар) (еш очрый торган кулланучылар хокукларын бозу очраклары һәм аларны хәл итү юллары турында яктырткан) бушлай тәкъдим ителә.

Даими эшләп килүче консультация пунктлары сатып алучы белән сатучы арасында килеп чыккан низаглы хәлләрне шунда ук тиз генә хәл кылу мөмкинлеге ачачак.

Кулланучылар хокукларын саклау буенча консультация пунктлары алга таба түбәндәге режимда эшләячәк:

айның беренче атнасы пәнҗешәмбесендә – “Бик зур” сәүдә үзәгендә; айның икенче атнасы чәршәмбесендә – “Южный” сәүдә-күңел ачу комплексында; айның өченче атнасы пәнҗешәмбесендә – “Ягодная слобода” сәүдә үзәгендә; айның дүртенче атнасы пәнҗешәмбесендә – “Азино” сәүдә-күңел ачу комплексында; айның икенче һәм дүртенче атналары җомгасында – “Демайз” ЯАҖ дә (Чехов базары).