Арча районы Качалы авыл җирлегендә гражданнарны кабул иттеләр
2023 елның 22 сентябрендә Арча муниципаль районының Качалы авыл җирлегендә чираттагы гражданнарны кабул итү үткәрелде, бу хакта халыкка җәмәгать урыннарында, авылның мәгълүмати стендларында урнаштырылган белдерүләр аша хәбәр ителгән иде. Кабул итүдә нигездә авыл халкы катнаша, һәм сораулар сәүдә өлкәсенә кагыла. Кабул итүне Татарстан Республикасы Дәүләт алкоголь инспекциясенең Арча территориаль органы башлыгы вазыйфаларын башкаручы Ләйсән Абдуллина алып барды.
Халыкны аларның хокуклары кызыксындыра: интернет аша товарлар сатып алганда, техник яктан катлаулы көнкүреш товарлары сатып алганда килеп туган сораулар, тиешле сыйфатсыз азык-төлек товарлары сатып алу һ. б.
Өстәмә рәвештә, халыкның гомуми мәгълүматларын баету өчен, практикадан мисаллар китерелде. Барлык сорауларга да квалификацияле җаваплар бирелде. Кабул итү барышында кулланучылар хокукларын яклау турында төрле мәгълүмат белән буклетлар таратылды.