Кулланучылар хокукларын яклау буенча Олимпиада үткәрү кысаларында «Советлар Союзы Герое С. А. Әхтәмов исемендәге 121 нче Лицей» МАОУ укучылары белән очрашу узды
Татарстан Республикасы Дәүләт алкоголь инспекциясенең Казан территориаль органы башлыгы Марина Егорова, Казан шәһәре Совет районының «Советлар Союзы Герое С.А. Әхтәмов исемендәге 121 нче Лицей» МАОУ педагогик составы белән берлектә (178 нче Мәгариф үзәге) 9 нчы һәм 10 нчы сыйныф укучылары белән семинар үткәрде.
Гражданнарның хокукый хәбәрдарлыгы - җитештерүче (сатучы) үз өстенә алган йөкләмәләрнең үтәлешен контрольдә тотуның төп механизмы.
Чара барышында. кулланучылар хокукларын яклау турындагы законнар укучыларның игътибарына үз хокукларын һәм якыннарының хокукларын яклауга кызыксыну күрсәтү максатыннан практик яктан тәкъдим ителә. Чара дәвамында тормыштан мисаллар китерелде, анда укучылар фикер йөрттеләр: бу очракта кем кулланучы, бу очрак кулланучылар хокукларын яклауны регламентташтыручы законга эләгәме һәм барлыкка килгән ситуациядән ничек чыгарга мөмкин.
Алынган белемнәр сыйфатсыз продукция (хезмәтләр) сатып алган (күрсәткән) очракта үз хокукларын якларга, РФ «Кулланучылар хокукларын яклау турында»гы Законының хокукый нормаларын гамәлдә кулланырга ярдәм итә, бу ахыр чиктә җәмгыятьтә куллану культурасының үсешенә ярдәм итәчәк.
Шулай ук укучыларның Олимпиадада катнашу мәсьәләсе дә күтәрелде, аның бәхәссез уңай яклары бар: тәҗрибә һәм белем туплау, дөньякүләм күзаллауны киңәйтү. Икенчедән, җиңгәндә дә, җиңелгәндә дә бала көчле эмоцияләр кичерәчәк һәм аларны аңларга, алар белән көрәшергә өйрәнәчәк.
Мөстәкыйль әзерлек укучыларга Олимпиада биремнәрен үтәргә мөмкинлек бирәчәк, ә иң мөһиме, кулланучылар хокукларын яклау өлкәсендә алынган белемнәрне алар практикада куллана алачак.