Балык Бистәсе муниципаль районының Шумбут авыл җирлегендә гражданнарны күчмә кабул итү булды
Татарстан Республикасы Дәүләт алкоголь инспекциясенең Казан территориаль органы башлыгы Балык Бистәсе муниципаль районының Шумбут авыл җирлегендә гражданнарны күчмә кабул итте.
Авыл халкы үзләрен кызыксындырган проблемалар буенча консультацияләр алды, алар нигездә сәүдә өлкәсенә кагыла:
- сыйфатсыз товар өчен түләнгән сумманы кире кайтару;
- сыйфатсыз күрсәтелгән хезмәт;
- товар турында тулы булмаган мәгълүмат бирү;
- гарантияле ремонт үткәрү вакыты һ. б.
Шунда ук авыл җирлеге белгечләре белән кулланучылар хокукларын яклау мәсьәләләре буенча укулар үткәрелде.
Татарстан Республикасы Дәүләт алкоголь инспекциясенең «Кулланучылар хокукларын яклау» Интернет-порталы эше турында сөйләделәр. Анда әлеге тематика буенча актуаль мәгълүмат тәкъдим ителә һәм кулланучының барлык мөһим һәм актуаль бүлекләргә онлайн керү мөмкинлеге бар. Мәгълүмат даими актуальләштерелә. «Халык контроле» дәүләт хезмәте эше турында хәбәр ителде. Анда гражданнар үз проблемалары буенча мөрәҗәгать итә яки гамәлдәге законнарны бозу фактлары турында хәбәр итә ала.
Күчмә кабул итү кысаларында Татарстан Республикасы Дәүләт алкоголь инспекциясенең Казан территориаль органы башлыгы әлеге торак пунктта эшләүче авылның муниципаль хезмәткәрләре өчен кулланучылар хокукларын яклау мәсьәләләре буенча семинар үткәрде.