Арча районы Түбән Мәтәскә авылында гражданнарны кабул иттеләр
2023 елның 07 ноябрендә Арча муниципаль районы Түбән Мәтәскә авылында Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина ОМС белгечләре катнашында гражданнарны күчмә кабул итү булды.
Кабул итүгә килгән кешеләрне сатып алынган товарларның сыйфаты белән бәйле сораулар, кире кайтарылырга яки алыштырылырга тиеш булмаган тиешле сыйфатлы товарлар турында; товарларны кайтару вакыты турында, әгәр товардан чек булмаса, нәрсә эшләргә кирәклеге турында һ.б. сораулар кызыксындырды. Барлык сорауларга Татарстан Республикасы Дәүләт алкоголь инспекциясе компетенциясе чикләрендә аңлатмалар бирелде.
Чараның төп өлешеннән соң авыл җирлеге белгечләре өчен кулланучылар хокукларын яклау мәсьәләләре буенча укулар үткәрелде. Катнашучыларга РФ «Кулланучылар хокукларын яклау турында»гы Законының төп нигезләмәләре аңлатылды. Закон нигезләмәләрен аңлату барышында алар кызыксындырган сораулар бирделәр. Мисаллар рәвешендә төрле конфликтлы ситуацияләр тикшерелде. Шулай ук сәүдәнең яңа кагыйдәләрен кертү турында мәгълүмат җиткерелде.
Чарада катнашучыларның һәрберсенә кулланучылар өчен файдалы мәгълүмат һәм бүлек реквизитлары белән буклетлар һәм «Татарстан кулланучысы хәбәрләре» газетасы таратылды.