Кече Талкыш авылында яшәүчеләргә консультацияләр бирелде
2024 елның 25 гыйнварында Татарстан Республикасы Дәүләт алкоголь инспекциясенең Чистай территориаль органы башлыгы тарафыннан Кече Талкыш авыл җирлеге халкы белән кулланучылар хокукларын яклау турындагы законнарны аңлату буенча очрашу оештырылды һәм кызыксындырган мәсьәләләр буенча консультация бирү максатыннан гражданнарны кабул итү үткәрелде.
Чара башында территориаль орган башлыгы Татарстан Республикасы Дәүләт алкоголь инспекциясенең республика кулланучылар базарындагы эшчәнлеге турында мәгълүмат җиткерде, башкарылган эшнең әһәмияте турында сөйләде.
Авыл җирлеге халкы белән очрашуда кулланучылар хокукларын яклау турындагы законнарга кагылышлы берничә мәсьәлә каралды. Мәсәлән, пластик тәрәзәләрдә җитешсезлекләр ачыкланган очракта кулланучыларның хокукларын аңлаттылар, сатучының кулланучыга үрнәккә туры килмәгән җиһазлар китергән ситуациясен карадылар, шулай ук гарантия срогы тәмамланганнан соң бер көннән соң смартфонда кимчелекләр барлыкка килгән кулланучыга киңәшләр бирделәр. Моннан тыш, кулланучының тиешле сыйфатлы азык-төлек булмаган товарны алмаштыру хокукын аңлаттылар, алмаштырылырга тиеш булмаган товарлар исемлеген җентекләп карадылар.
Гражданнарны кабул итү барышында Татарстан Республикасы Дәүләт алкоголь инспекциясе компетенциясенә кагылышлы башка мәсьәләләр дә каралды.