Мәктәптә Гаилә елына багышланган чаралар үтә
Россия Федерациясе Президенты боерыгы белән 2024 ел Гаилә елы дип игълан ителде. Гаилә мәхәббәт, аңлау һәм ярдәм чыганагы, балаларны игелекле, намуслы һәм гадел булырга өйрәтә. Гаилә - кеше тормышының төп аспекты. Гаиләнең бала тормышында, аның формалашуында һәм тәртибендә аерым әһәмияткә ия. Нәкъ менә гаиләдә барлык шәхси сыйфатлар формалаша.
«Татарстан Республикасы Буа муниципаль районының Түбән Наратбаш төп гомуми белем бирү мәктәбендә» Гаилә елына багышланган чара уздырылды. Чарада мәктәпнең барлык укучылары һәм укытучылары катнашты. Күп балалы ата-аналар чакырылган иде. Мәктәп директоры Рәиф Гарипов гаиләнең җәмгыятьтәге роле турында сөйләде. Зур гаилә стажы һәм балаларны тәрбияләү буенча зур тәҗрибәсе булган ата-аналар чыгыш ясады. Алар үз балаларын тәрбияләгәндә куллана торган осталыклары һәм белемнәре белән уртаклаштылар. Һәр сыйныф әлеге тематика буенча үз чыгышын әңгәмә, викторина, җыр рәвешендә әзерләгән иде.
Чарада Татарстан Республикасы Дәүләт алкоголь инспекциясенең Яшел Үзән территориаль органы хезмәткәре Гүзәл Гайнуллина катнашты. Белгеч балаларны «Кулланучылар хокукларын яклау турында» Россия Федерациясе Законы нигезләмәләре, хезмәт күрсәткәндә кулланучылар хокуклары бозылган очракта, шулай ук сатып алу-сату процессында белемнәрен куллану белән таныштырды. Чара барышында балаларга дистанцион сәүдәнең нәрсә икәнлеге, кулланучының интернетта сатып алулар вакытында нинди хокуклары һәм бурычлары барлыгы турында сөйләде.
Кулланучылар грамоталылыгы нигезләрен яхшырак үзләштерү өчен балаларга тематик буклетлар тапшырылды.