Сәламәт тәндә сәламәт акыл
2024 елның 10 февралендә бөтен ил буенча массакүләм чаңгы ярышлары узды. Чистайда спорт чарасы традицион рәвештә «Татнефть-Олимп» спорт мәктәбенең чаңгы базасы территориясендә узды.
«Татарстан чаңгы юлы-2024» спорт чарасында катнашырга төрле яшьтәге кешеләр килде: мәктәп укучылары, студентлар, предприятие һәм оешма вәкилләре, шулай ук ветераннар һәм сәламәтлек буенча мөмкинлекләре чикләнгән кешеләр.
Чистайлылар үз көчләрен һәм чыдамлыкларын сынадылар, һәм, әлбәттә, яхшы кәеф белән тулыландылар. Спорт бәйрәменә килүчеләрнең күбесе өчен җиңү түгел, ә бу массакүләм чарада катнашу мөһим иде.
Татарстан Республикасы Дәүләт алкоголь инспекциясенең Чистай территориаль органы хезмәткәрләре дә бу чарадан читтә калмады. Алар да ярышларда катнаштылар һәм сәламәтлек өчен файдалы итеп көн үткәрделәр.