Казанда «Киләчәк уеннары» турниры вакытында алкогольле продукция сатуны чикләячәкләр
2024 елның 19 февраленнән 3 мартына кадәр Казанда «Киләчәк уеннары» турниры вакытында алкогольле продукция сатуны чикләячәкләр. Бу хакта Татарстан Республикасы премьер-министры Алексей Песошин имзалаган карарда әйтелә.
«Тренировкалар һәм ярышлар уздырылган көннәрдә 8:00дән 17:00гә кадәр спорт объектларына якын территорияләрдә урнашкан сәүдә объектларында алкогольле продукцияне ваклап сату рөхсәт ителми», - диелә документта.
Исемлектә түбәндәге спорт объектлары күрсәтелгән, якындагы сәүдә нокталарында спиртлы эчемлекләр сату тыелачак:
- «Татнефть Арена» стадионы (19 февральдән 23 февральгә кадәр);
- Казан теннис академиясе (20 февральдән 3 мартка кадәр);
- «Ак Барс » Көрәш сарае (22-23 февраль);
- Казан циркы (24-26 февраль);
- Рәмиев исемендәге IT-парк (21 февральдән 26 февральгә кадәр; 28 февральдән 2 мартка кадәр);
- «Хезмәт резервлары » стадионы (27-29 февраль);
- «Зилант» Боз сарае, «Искандер» Манежы (19 февральдән 20 февральгә кадәр);
- «Урам» Яшьләр экстрим-паркы (22, 28, 29 февраль).
Әлеге карарның үтәлешен тикшерү Татарстан Республикасы Дәүләт алкоголь инспекциясенә һәм килешү буенча Татарстан Республикасы буенча Эчке эшләр министрлыгына йөкләнә.