Балтач районының Югары Субаш авылында гражданнарны кабул иттеләр
2024 елның 6 мартында Балтач муниципаль районының Югары Субаш авыл җирлегендә кулланучылар хокукларын яклау һәм алкогольле продукция сату мәсьәләләре буенча гражданнарны күчмә кабул итү уздырылды. Шул ук урында авыл җирлеге белгечләре өчен семинар үткәрелде. Әлеге чараларның максаты - кулланучылар хокукларын яклау өлкәсендә хокукый белемнәрне массакүләм пропагандалау. Авыл халкы сыйфатсыз товарларга кагылышлы сораулар бирде. Бу көнне кабул итүгә килгәннәргә Татарстан Республикасы Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Гөлназ Шакирова җентекле аңлатмалар бирде. Шулай ук гражданнарга кирәк булганда мөрәҗәгать итү өчен территориаль орган реквизитлары бирелде.
Кулланучыны яклап булмый, әгәр дә ул моны теләми икән, ә еш кына аны яклау мөмкин булмасын өчен барысын да эшләсә. Шуңа күрә, хөрмәтле кулланучылар, уяу булыгыз һәм үз хокукларыгызны һәм, һичшиксез, аларны якларга ярдәм итәчәк белгечләр ярдәменнән баш тартмагыз.