Сәүдә предприятиесе хезмәткәрләре өчен укыту семинары үткәрделәр
Татарстан Республикасы Дәүләт алкоголь инспекциясенең Казан территориаль органы хезмәткәре «Агроторг» ҖЧҖнең «Пятерочка» кибете хезмәткәрләре өчен укыту семинары үткәрде.
Мондый семинарлар даими рәвештә үткәрелә. Чаралар барышында Россия Федерациясенең 1992 елның 7 февралендәге 2300-1 номерлы «Кулланучылар хокукларын яклау турында»гы Законының төп нигезләмәләрен, законнардагы үзгәрешләрне, 2020 елның 31 декабрендәге 2463 номерлы ваклап сату-алу килешүе буенча товарлар сату кагыйдәләрен карыйлар.
Чара дәвамында түбәндәге сораулар каралды:
- кулланучыга оешма турында кирәкле мәгълүмат бирү;
- товар өчен түләү тәртибе;
- товарның кимчелекләрен ачыклаганда кулланучы хокуклары;
- сатып алучыдан дәгъваларны кабул итү һәм аны карау вакыты;
- гарантия һәм пост гарантия йөкләмәләре;
- бәхәсле ситуацияләрне хәл итү мөмкинлеге.
Чаралар вакытында мәгълүмати буклетлар һәм «Татарстан кулланучысы хәбәрләре» газетасы таратылды.
Сәүдә предприятиеләрендә ваклап сату бәяләренә мониторинг үткәрелде.