Өлкән буын кешеләрен хөрмәтлибез
Халыкара өлкәннәр көненең төп максаты - балаларга үзләренең әти-әниләрен, туганнарын, якыннарын искә төшерү, күршеләре турында кайгыртучанлык күрсәтү, шулай ук сорарга оялырга мөмкин булганнарга ярдәм кулы сузу. Бу безнең тормышыбызга һәм тулаем җәмгыятебезгә зур өлеш керткән өлкән яшьтәге кешеләргә рәхмәтебезне һәм ихтирамыбызны күрсәтә торган чор. Шуны истә тотарга кирәк: аларга бәйрәм вакытында гына түгел, көндәлек тормышта да безнең игътибарыбыз һәм кайгыртучанлыгыбыз кирәк. Өлкәннәр көне - безнең барыбыз өчен дә олы яшьтәге кешеләрнең тормышыбыздагы әһәмияте турында уйлану мөмкинлеге ул. Алар бай тәҗрибәгә һәм зирәклеккә ия, үз тәҗрибәләрен безнең белән дә уртаклаша алалар.
Бәйрәм итү кысаларында Татарстан Республикасы Дәүләт алкоголь инспекциясенең Яр Чаллы территориаль органы белгечләре лаеклы ялда булган коллегабыз Фәния Бәдретдиновада булдылар.
Коллегабызның сәламәтлеген, яхшы кәефен, күтәренке рухын күрү бик күңелле иде.
- Һәр яңа көн сезгә туганнарыгыз һәм якыннарыгыз белән аралашу шатлыгын бүләк итсен, бары тик уңай яңалыклар һәм хис-кичерешләр генә китерсен! Сезгә ныклы сәламәтлек телибез, - дип хушлаштылар белгечләр.