Биектау муниципаль районының Суыксу авыл җирлегендә гражданнарны кабул иттеләр
Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татарстан Республикасы Биектау муниципаль районының Суыксу авыл җирлеге халкы белән очрашу үткәрде.
Авыл халкы үзләрен кызыксындырган проблемалар буенча консультацияләр алды, алар нигездә сәүдә өлкәсенә кагыла иде: сыйфатсыз товар өчен түләнгән сумманы кире кайтару, сыйфатсыз күрсәтелгән хезмәттән баш тарту, товар турында тулы булмаган мәгълүмат бирү, гарантияле ремонт үткәрү сроклары һ.б. Шулай ук авыл җирлеге белгечләре белән кулланучылар хокукларын яклау мәсьәләләре буенча укулар үткәрелде.
Татарстан Республикасы Дәүләт алкоголь инспекциясе өчен күчмә кабул итүләр вакытында үткәрелә торган мондый очрашулар форматы инде традициягә әйләнде. Авылларда күчмә кабул итүләргә һәрвакыт ихтыяҗ зур – алар гражданнарга авылдан читкә чыкмыйча гына күп кенә мәсьәләләрне урында хәл итәргә мөмкинлек бирә.
Чара барышында катнашучыларга буклетлар һәм кулланучылар хокукларын яклау өлкәсендә гамәлдәге законнарга аңлатмалар белән «Вестник потребителя Татарстана» газетасы таратылды.