Халыкара коррупциягә каршы көрәш көне
Ел саен 9 декабрьдә Халыкара коррупциягә каршы көрәш көне билгеләп үтелә. Шул уңайдан Чүпрәле тармак технологияләре техникумында укучылар белән «Без коррупциягә каршы» дигән әңгәмә үткәрелде. Чараны Татарстан Республикасы Дәүләт алкоголь инспекциясенең Яшел Үзән территориаль органында әйдәп баручы белгеч-эксперты Марат Җәлалов оештырды. Әңгәмә барышында студентлар «коррупция» төшенчәсен аңладылар, аны чагылдыру формалары һәм һәр гражданин өчен нәтиҗәләр белән таныштылар. Студентлар безнең илдә коррупция тарихын анализладылар һәм бу күренешнең борынгы тамырлары булуын ачыкладылар һәм коррупцияне җиңү бары тик һәр гражданин актив тормыш позициясен биләгәндә, коррупция күренешләре пространствосын тарайту өчен бөтен көчен куеп һәм мәсьәләләрне законлы ысул белән хәл иткәндә генә мөмкин дигән нәтиҗәгә килделәр.