Моны һәркем белергә тиеш!
Халыкара коррупциягә каршы көрәш көне 2003 елдан бирле ел саен 9 декабрьдә билгеләп үтелә. Бу көнне БМО Генераль Ассамблеясе тарафыннан 2003 елның 1 ноябрендә кабул ителгән Берләшкән Милләтләр Оешмасының коррупциягә каршы Конвенциясе (алга таба – Конвенция) имзалау өчен ачылды. Конвенциянең максаты - коррупцияне кисәтү һәм бетерү.
Конвенция нигезләмәләрен исәпкә алып, 2008 елның 25 декабрьдәге № 273-ФЗ «Коррупциягә каршы тору турында» Федераль закон белән, коррупциягә каршы торуның төп принципларына дәүләт органнары һәм җирле үзидарә органнары эшчәнлегенең ачыклыгы һәм ачыктан-ачык булуы, оештыру, мәгълүмати-пропаганда, социаль-икътисадый, хокукый һәм башка чараларны комплекслы куллану, коррупцияне кисәтү чараларын өстенлекле куллану, дәүләтнең граждан җәмгыяте институтлары белән хезмәттәшлеге һәм башкалар кертелгән.
Әлеге чара кысаларында Татарстан Республикасы Дәүләт алкоголь инспекциясенең Яшел Үзән территориаль органы контроль-инспекция бүлегенең әйдәп баручы белгеч-эксперты Елена Сазонова Тәтеш татар мәктәбенең 9 сыйныф укучылары өчен сыйныфтан тыш дәрес үткәрде. Әлеге дәреснең максаты - «коррупция» төшенчәсен һәм аның нәтиҗәләрен ачу. Укучылар коррупция төрләре һәм коррупцион хокук бозулар өчен җәза турында белделәр.
Белгеч укучыларны Татарстан Республикасы Дәүләт алкоголь инспекциясенең кулланучылар хокукларын яклау өлкәсендәге эшчәнлеге белән таныштырды, истәлекләр, буклетлар һәм «Вестник потребителя Татарстана» газетасы рәвешендәге мәгълүмати материаллар күрсәтте. «Кулланучылар хокукларын яклау турында»гы законның кайбер маддәләрен конкрет мисалларда карадылар, техник яктан катлаулы товарлар сатып алганда кулланучыларның хокуклары һәм бурычлары турында фикер алыштылар.
Дәрес тәмамлангач, теләүчеләр кулланучылар базарының төрле темаларына мәгълүмати материалдан файдалана алдылар.