Инвалидлар җәмгыяте әгъзаларына гамәлдәге законнарны аңлаттылар
Халыкара инвалидлар көненә һәм Халыкара коррупциягә каршы көрәш көненә багышланган чаралар кысаларында Татарстан Республикасы Дәүләт алкоголь инспекциясенең Чистай территориаль органы белгечләре Бөтенроссия инвалидлар җәмгыятенең Татарстан Республика оешмасының Чистай шәһәр оешмасында кулланучылар хокукларын яклау турындагы законнарны аңлату буенча лекция оештырдылар.
Халыкара инвалидлар көнен үткәрү киң җәмәгатьчелекнең игътибарын инвалидлар проблемаларына җәлеп итүгә, тумыштан, балачакта яки олы яшьтә каты авырудан зыян күрүчеләрнең абруен, хокукларын һәм иминлеген яклауга, аларны социаль адаптацияләү һәм бу кешеләр өчен уңайлы тормыш шартлары тудыру мәсьәләләренә юнәлдерелгән.
Җәмгыять әгъзаларына товарда һәм күрсәтелгән хезмәтләрдә җитешсезлекләр ачыкланганда кулланучыларның хокуклары, кулланучының товар җитешсезлекләренә карата таләпләр кую сроклары, тиешле һәм тиешсез сыйфатлы товарны алмаштыру тәртибе, шулай ук товарны сатучыга гарантияле ремонтка тапшырган очракта кулланучыларның алыштырыла торган товарга хокукы аңлатылды.
Чара азагында җәмгыять әгъзалары белән коррупциягә каршы көрәш турындагы законнарның кайбер нигезләмәләрен карадылар, катнашучыларның сорауларына җавап бирделәр.