Гаилә елында алтын туйларын билгеләп үттеләр
2023 елның 22 ноябрендә РФ Президенты Владимир Путин 2024 ел Гаилә елы дип игълан ителүе турында Указга кул куйды. Гаилә елында традицион гаилә кыйммәтләрен саклауга да аерым игътибар бирелә.
Быел Татарстан Республикасы Дәүләт алкоголь инспекциясенең Яр Чаллы территориаль органы консультанты Эльвира Салихованың әти-әнисе алтын туйларын билгеләп үттеләр. Салиховлар Илгиз Латыйп улы һәм Дамира Абдулла кызы 1972 елда Чаллы шәһәрендә танышалар һәм 1974 елда гаилә корып җибәрәләр.
Илгиз Латыйп улы Чаллы шәһәренең төзелеш оешмасында 42 ел эшләгән, хезмәт ветераны. Дамира Абдулла кызы 32 ел автогигантның кадрлар хезмәтендә эшли. Хәзерге вакытта икесе дә лаеклы ялда. Салиховлар гаиләсендә 2 кыз, 4 онык. Гаилә бик дус, ял һәм бәйрәмнәрне бергә үткәрәләр.
Татарстан Республикасы Дәүләт алкоголь инспекциясенең Яр Чаллы территориаль органы хезмәткәрләре Илгиз Латыйп улын һәм Дамира Абдулла кызын бергә яшәү юбилейлары белән котлый! Тынычлык, нык сәламәтлек һәм гаилә иминлеге телибез.