Балтач районының Иске Салавыч авылында гражданнарны кабул иттеләр
Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Гөлназ Шакирова Балтач муниципаль районының Иске Салавыч авылында гражданнарны кабул иттеләр. Алкоголь продукциясен сату, кулланучылар хокукларын яклау мәсьәләләре буенча фикер алыштылар. Шунда ук авыл җирлеге белгечләре өчен кулланучылар хокукларын яклау өлкәсендә семинар-укулар оештырылды.
Халыкка күчмә кабул итү турында җәмәгать урыннарында һәм мәгълүмат стендларында урнаштырылган белдерүләр аша хәбәр ителгән иде.
Барлык сорауларга да эшмәкәрләр һәм авыл халкы эчтәлекле җаваплар алды.
Чарада катнашучылар оештыручыларга файдалы мәгълүмат өчен рәхмәт белдерделәр һәм авыл халкының мондый чараларга мохтаҗ булуын билгеләп үттеләр.