Сәүдә өлкәсенә кагылышлы сораулар буенча консультацияләр бирелде
Татарстан Республикасы Дәүләт алкоголь инспекциясенең Арча территориаль органы хезмәткәре Ирина Галимова Теләче районы күпфункцияле үзәгенең консультация пунктында гражданнарны кабул итте. Чара барышында «Кулланучылар хокукларын яклау турында» РФ Законының төп нигезләмәләре аңлатылды.
МФЦда гражданнар азык-төлек һәм сәнәгать товарлары белән сәүдә итү өлкәсендә, шул исәптән товарларны интернет-кибетләр аша, үрнәкләр буенча сату мәсьәләләре буенча; җәмәгать туклануы хезмәтләре күрсәтү, халыкка көнкүреш хезмәте күрсәтү, түләүле медицина, мәгариф, туристлык һәм башка хезмәтләр өлкәсендә консультацияләр алырга мөмкин.
Чара барышында Кулланучылар хокукларын яклау өлкәсендә буклетлар һәм кулланучыга файдалы мәгълүмат белән «Вестник потребителя Татарстана» газетасы таратылды.