Арча районының Сәрде авылында гражданнарны кабул иттеләр
Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге башлыгы Ләйсән Абдуллина Арча муниципаль районының Яңа Кенәр авыл җирлегендә гражданнарны кабул иттеләр. Чара Татарстан Республикасы Дәүләт алкоголь инспекциясе компетенциясенә керә торган мәсьәләләргә багышланган иде.
Торак пунктта яшәүчеләрдән тиешле сыйфатлы товар алмашу сроклары, сатучыга тиешле сыйфатта булмаган товарга карата дәгъва белдерү сроклары һәм, әгәр сатучы үз товарын танымаса, нишләргә, дигән сораулар килде. Сатып алынган суыткычта кимчелекләр ачыкланганда кулланучының хокуклары турында сораулар бирелде; сатучы товарны төргән өчен өстәмә түләү алырга тиешме; тиешле сыйфатлы ишек заказ ителгән үлчәмнәргә туры килмәсә, нишләргә?
Гражданнарны кабул иткәннән соң авыл җирлеге хезмәткәрләре һәм шәхси эшмәкәрләр белән семинар үткәрелде, анда «Кулланучылар хокукларын яклау турында» Россия Федерациясе Законы нормалары һәм сәүдә кагыйдәләре аңлатылды. Чара буклетлар һәм «Вестник потребителя Татарстана» газетасы тарату белән үрелеп барды.