Гражданнарны күчмә кабул итү үткәрелде
Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Питрәч муниципаль районының Кощаково авыл җирлегендә яшәүчеләрнең куллану белемен арттыруга юнәлдерелгән гражданнарны күчмә кабул итү чарасын оештырды.
Авылларда күчмә кабул итүләргә һәрвакыт ихтыяҗ зур – алар гражданнарга авылдан читкә чыкмыйча гына күп мәсьәләләрне урында хәл итәргә мөмкинлек бирә.
Кабул итүгә килүчеләрне сатып алынган товарларның сыйфатына, товарларны гарантия срогы вакытында да, гарантия срогы беткәч тә кире кайтару срокларына бәйле мәсьәләләр кызыксындырды; икмәк-күмәч әйберләренә һәм сөт продуктларына сәүдә өстәмәләре турында; кире кайтарылырга яки алыштырылырга тиеш булмаган тиешле сыйфатлы товарлар турында сүз барды.
Катнашучыларга «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законы нигезләмәләре, Россия Федерациясе Хөкүмәтенең 2020 елның 31 декабрендәге 2463 номерлы карары белән расланган товарларның аерым төрләрен сату Кагыйдәләре һәм башкалар нигезендә аңлатмалар бирелде.