Күпфункцияле үзәктә халыкны консультацияләделәр
Татарстан Республикасы Дәүләт алкоголь инспекциясе хезмәткәрләре Түбән Кама шәһәренең күпфункцияле дәүләт һәм муниципаль хезмәтләр күрсәтү үзәгендә кулланучылар хокукларын яклау мәсьәләләре буенча гражданнарны күчмә кабул итүне оештырды.
Чарада Түбән Кама районы Башкарма комитеты белгечләре дә катнашты.
Килүчеләргә кулланучылар хокукларын яклау өлкәсендә бушлай хокукый консультация ярдәме күрсәтелә. Мөрәҗәгать итүчеләргә кулланучылар хокукларын яклау турындагы законнарны гамәлгә ашыруга нинди хокук мөнәсәбәтләре эләгүен, конкрет ситуациядә нинди хокуклар бозылганын, һәм аларны гамәлдә ничек тормышка ашыра алуын, кулланучылар таләпләрен канәгатьләндерү сроклары һәм сатучының яисә башкаручының срокларны бозган өчен нинди җаваплылык булуын аңлаттылар.
Әлеге чара Татарстан Республикасы Дәүләт алкоголь инспекциясе эшчәнлегенең төп юнәлешләренең берсе кысаларында кулланучыларның һәм хуҗалык итүче субъектлар вәкилләренең кулланучылар хокукларын яклау өлкәсендә хокукый белемен арттыру максатыннан үткәрелде.
Катнашучыларга кулланучылар базарының төрле темаларына кагылышлы буклетлар, мәгълүмати материаллар, “Вестник потребителя Татарстана” газетасы тәкъдим ителде.