«Җиңү диктанты» Халыкара тарихи акция
«Җиңү диктанты» — Бөек Ватан сугышында Җиңү көненә багышланган ел саен үткәрелә торган Халыкара акция. Ул һәркемгә буыннар бәйләнешен тоярга, тарихи хәтердә катнашырга һәм бабаларыбызның батырлыгына хөрмәт белдерер өчен уникаль мөмкинлек бирә.
Бер үк вакытта Россиядә һәм дөньяның 90нан артык илендә узган акция кысаларында Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре дә катнашты. Алар чарага онлайн-тест узып, дистанцион рәвештә кушылдылар.
Катнашучыларга Ватаныбызның үткәне турында үз белемнәренең дәрәҗәсен тикшерергә, сугыш геройларының исемнәрен, мөһим вакыйгаларны, истәлекле даталарны һәм сугыш урыннарын искә төшерергә тәкъдим ителде. Үз тарихыңны аңлау ил өчен горурлык формалаштыра, патриотлык тәрбияли һәм россиялеләрнең милли бердәмлеген ныгытуга ярдәм итә.