Өлкәннәр белән очрашу булды
Бөек Ватан сугышында Җиңүнең 80 еллыгына багышланган чаралар кысаларында, Татарстан Республикасы Дәүләт алкоголь инспекциясенең Яшел Үзән территориаль органы белгечләре Гүзәл Гайнуллина һәм Лилия Эргашева Буа районының Түбән Наратбаш авылында яшәүче Әхмәтшина Тәзкирә Фәйзрахман кызын һәм Гайнуллина Равия Бәдертдин кызын котладылар. Буада Шәйдуллова Илсөяр Бари кызын бәйрәм белән котладылар. Алар барысы да Бөек Ватан сугышын кичергән балалар. Сугыш беткәндә, аларга 6-9 яшь була. Алар әле дә ачлык, салкынлык, әтиләрен күмү елларын күз яшьләре белән искә алалар.
Очрашу барышында белгечләр өлкәннәрне кулланучылар хокукларын яклау турындагы закон нигезләмәләре, Кулланучылар хокуклары бозылган очракта, сату-алу процессында аларны гамәлдә куллану алымнары белән таныштырдылар.
Бәйрәм уңаеннан өлкәннәргә азык-төлек җыелмалары, «Кулланучыга белешмә» буклетлары, визиткалар тапшырылды.