Җиңү көненә багышланган митингта катнаштылар

2025 елның 12 мае, дүшәмбе

9 майда Чистай шәһәренең үзәк мәйданында Бөек Ватан сугышында Җиңүнең 80 еллыгы уңаеннан тантаналы митинг булды. Анда предприятие, учреждение һәм уку йортлары вәкилләре катнашты. Чистай муниципаль районы башлыгы Дмитрий Иванов шәһәр халкын бәйрәм белән котлады, шуннан соң һәлак булучылар истәлегенә бер минут тынлык игълан ителде. Аннары хәрби техника парады узды һәм бәйрәм колоннасы Мәңгелек утка һәм мемориаль стелаларга веноклар салырга юнәлде. Татарстан Республикасы Дәүләт алкоголь инспекциясенең Чистай территориаль органы коллективы да чарада катнашты һәм һәйкәлгә чәчәкләр салды.