Кукмара районының Манзарас авыл җирлегендә гражданнарны кабул итү узды
2025 елның 08 июлендә Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров һәм Татарстан Республикасы Дәүләт алкоголь инспекциясенең Арча территориаль органы контроль-инспекция бүлегенең әйдәп баручы белгеч-эксперты Илшат Бәдретдинов Кукмара районының Манзарас авыл җирлегендә кулланучылар хокукларын яклау өлкәсенә кагылышлы сораулар буенча гражданнарны кабул иттеләр.
Кабул итүгә килүчеләрне сатып алынган товарларның сыйфаты, товарларны гарантия срогы вакытында да, гарантия срогы беткәч тә кире кайтару сроклары, кире кайтарылырга яки алыштырылырга тиеш булмаган тиешле сыйфатлы товарлар турында сораулар кызыксындырды.
Күчмә чара кысаларында территориаль орган белгечләре тарафыннан әлеге торак пунктта эшләүче авылның муниципаль хезмәткәрләре өчен дә кулланучылар хокукларын яклау мәсьәләләре буенча семинар үткәрелде.
Авылларда күчмә кабул итүләргә һәрвакыт ихтыяҗ зур – алар гражданнарга авылдан читкә чыкмыйча гына күп кенә мәсьәләләрне урында хәл итәргә мөмкинлек бирә.
Чара барышында мәгълүмат буклетлары һәм «Вестник потребителя Татарстана» газетасы таратылды.