Әтнә районының Үзем авыл җирлегендә яшәүчеләр белән очрашу булды
Татарстан Республикасы Дәүләт алкоголь инспекциясенең Арча территориаль органы Татарстан Республикасы Әтнә районының Үзем авыл җирлегендә гражданнарны кабул итте.
Кабул итүгә килгән гражданнарны көнкүреш техникасы, кием-салым һәм азык-төлек, дарулар сыйфаты кебек кулланучылар базарының төрле өлкәләренә кагылышлы сораулар аеруча кызыксындырды. Яңгыраган барлык сорауларга да закон нигезендә җаваплар бирелде.
Чара дәвамында Татарстан Республикасы Дәүләт алкоголь инспекциясе территориаль органнарының эчке базарны үстерү һәм координацияләү бүлекләре адреслары һәм телефоннары белән актуаль темалар буенча Кулланучылар хокукларын яклау өлкәсендә гамәлдәге законнарга аңлатмалар бирелгән брошюралар һәм буклетлар рәвешендәге мәгълүмати белешмәләр таратылды.