Бөек Җиңүнең 80 еллыгына багышлана
Бүген Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйровның абыйсы – Бөек Ватан сугышы герое турында сөйләрбез.
Шакиров Фәйсал Шакир улы, 1918 елда Арча районының Иске Кырлай авылында туа. Казан шәһәрендә Рабфак тәмамлый, укытучы була. Ел ярым Арча районының Наласа авылында укытучы булып эшли. 1940 елда армиягә алына, ә көзен Дагыстан АССРның Буйнакс шәһәрендәге хәрби училище курсанты була.
1941 елның көзендә барлык курсантларга вакытыннан алда «лейтенант» хәрби исеме бирелә һәм Мәскәү янындагы фронтка җибәреләләр. Фәйсалның ике якташы – Чиканас авылы егетләре - Мәскәү янындагы сугышларда һәлак була, ә ул үзе аягына яралана һәм Свердловскига дәваланырга озатыла. 1941 елның октябреннән 1942 елның июленә кадәр дәвалана. Дәваланганнан соң аңа өенә кайтып китәргә тәкъдим итәләр, ләкин ул, баш тартып, фронтка китә, рота белән командалык итә башлый.
Шакиров Фәйсал Шакир улы, 1942 елның июлендә Воронеж янындагы Подгорное авылы янында батырларча һәлак була. Сугыштан соң, шәһәр үсү сәбәпле, аның җәсады күчереп күмелә.