Махсус хәрби операция ветераны ТР Дәүләт алкоголь инспекциясендә булды
Бүген Татарстан Республикасы Дәүләт алкоголь инспекциясе җитәкчесе Җәүдәт Әхмәтханов «Батырлар. Татарстан Геройлары» программасында катнашучы МХО ветераны Вадим Исхаков белән очрашты. Алар идарә тәҗрибәсе турында сөйләштеләр.
Исегезгә төшерәбез, «Батырлар. Татарстан Геройлары» Татарстан Республикасы Рәисе Рөстәм Миңнеханов инициативасы белән гамәлгә ашырыла. Программа хәрби операциядә катнашучыларны яңадан укытуга юнәлдерелгән. Тупланган белем һәм гамәли тәҗрибә хәрбиләргә дәүләт һәм муниципаль идарә системасында вазыйфалар биләргә сәләтле перспективалы җитәкчеләр булырга, шулай ук үзләрен Татарстан Республикасы тормыш эшчәнлегенең төрле өлкәләрендә күрсәтергә мөмкинлек бирәчәк.
«Махсус хәрби операция белән бәйле сораулар безнең өчен беренче урында. Без уртак эш нәтиҗәсендә республиканың потенциалын һәр дәрәҗәдә көчәйтәчәкбез дип саныйбыз. Кайда һәм ничек файдалы була алуыгызны үзегез дә аңларсыз», - диде Рөстәм Миңнеханов программага сайлап алуга йомгак ясау кысаларында.
Бүген Вадим Исхаковка Дәүләт алкоголь инспекциясе буенча экскурсия уздырдылар, бүлекләрнең эше белән таныштырдылар, аларның һәркайсының эшчәнлек үзенчәлекләре турында сөйләделәр.
Очрашу ведомствоның тәҗрибәле хезмәткәрләре катнашында узды, алар сорауларга җентекләп җавап бирделәр, үзләренең һөнәри эшчәнлек тәҗрибәләре белән уртаклаштылар.