Мәгълүмати чара уздырылды
ТР Дәүләт алкоголь инспекциясенең Түбән Кама территориаль органы хезмәткәре Сарман авылының үзәк китапханәсендә мәгълүмати чара үткәрде. Чарада катнашучылар кулланучылар хокуклары белән таныштылар, кибеттә үз-үзеңне дөрес тотарга өйрәнергә кирәклеге турында сөйләштеләр.
«Кулланучылар хокукларын яклау турында» РФ Законы кулланучылар һәм җитештерүчеләр, импортерлар, башкаручылар, сатучылар арасындагы мөнәсәбәтләрне төгәл көйли. Ә безнең көндәлек тормышыбызда гамәлдә эшләр ничек тора? Без барысын да закон нигезендә дөрес эшлибезме, әллә безне ялгыш юлга этәрү җиңелме? Чарада катнашучы һәркем бу өлкәдәге белемнәре белән уртаклаша, сораулар бирә алды.
Белгеч Елена Черных РФ Законының безнең тормышта әһәмиятенә игътибар итте, теге яки бу ситуациядә законны куллану буенча киңәшләр бирде, кулланучылар базарының төрле темаларына багышланган буклетлар һәм «Вестник потребителя Татарстана» газетасы белән таныштырды. Түбән Кама территориаль органы хезмәткәре киңәш бирде – сатып алуларга игътибар белән карарга. Түбәндәге мәгълүматка игътибар итәргә - товар, сатып алу шартлары, сатучы, җитештерүче һәм башкалар. Кирәк булганда «Кулланучылар хокукларын яклау турында» РФ Законы – хезмәтләр алучы һәм товарлар сатып алучы клиентларның «өстәл китабы» ярдәменнән файдаланырга мөмкин.