Лениногорск муниципаль районында киңәшмә узды
Лениногорск муниципаль районы Башкарма комитетында җитәкче М. Н.Гыйрфанов рәислегендә контрольлек итүче һәм хокук саклау органнары вәкилләре катнашында киңәшмә узды. Татарстан Республикасы Дәүләт алкоголь инспекциясенең Әлмәт территориаль органы башлыгы Миләүшә Михеева алкоголь базарындагы 7 айлык вәзгыять турында хисап тотты. Докладта алкоголь продукциясен сату турындагы статистик мәгълүматлар китерелде. Игътибарны «Инспектор» мобиль кушымтасын кулланып профилактик чаралар, гавами тыңлаулар уздыруга юнәлттеләр. Әлеге чараларның максаты - бизнеска административ басымны киметү. Шулай ук алкогольнең легаль булмаган әйләнешенә каршы көрәш һәм сыра сатуны контрольдә тоту буенча «юл карталарын» гамәлгә ашыру, БДАМС һәм «Честный знак» системаларын куллануны көчәйтү өчен төп юнәлешләр билгеләнде.