Таныш булмаган номердан шалтыратсалар, нишләргә?
Замана җинаятьчеләре алдауның яңадан-яңа схемаларын уйлап табалар. Еш кына алар билгесез телефон номерларыннан шалтыратып, банклар, дәүләт органнары яки куркынычсызлык хезмәтләре хезмәткәрләре булып кыланалар.
Таныш булмаган номердан шалтыратсалар, нишләргә?
- Беркайчан да шәхси мәгълүматларны, карта реквизитларын, СМС-хәбәрләрдән бер тапкыр кулланыла торган парольләрне яки CVV-кодларны әйтмәгез.
- Акча күчерүне башкармагыз, бигрәк тә сезне моны тиз эшләргә мәҗбүр итсәләр яки янасалар.
- Кергән мәгълүматны банк яки учреждениенең рәсми вәкиле белән телефон номеры аша үзегез тикшерегез.
- Сезгә хәбәрләр аша җибәрелгән шикле сылтамаларны игътибарсыз калдырыгыз.
- Белегез, акчаны оператив күчерү яки операцияләрне раслау таләпләре мошенниклар һөҗүме билгесе булып тора.
- Исегездә тотыгыз: финанс оешмалары вәкилләре беркайчан да клиентларның конфиденциаль мәгълүматларын сорамыйлар һәм акчаларны «якланган» счетларга күчерергә тәкъдим итмиләр.
- Үзегез сак һәм игътибарлы булыгыз, шулай ук өлкән яшьтәге туганнарыгызга аерым игътибар биреп, якыннарыгызны кисәтегез.