Гавами тыңлаулар нәтиҗәләре
2025 елның 27 августында Мөслим авылында Татарстан Республикасы Мөслим муниципаль районының хуҗалык субъектлары белән алкоголь һәм спиртлы продукцияне ваклап сату өлкәсендә хокук куллану һәм административ практика мәсьәләләре буенча фикер алышу буенча ачык чара уздырылды. Чараның төп максаты - профилактик чаралар системасын үстерү, контрольдәге субъектларның хокукый грамоталылык дәрәҗәсен күтәрү, контрольдәге субъектларны намуслы эшчәнлеккә этәрү.
Чарада Татарстан Республикасы Мөслим муниципаль районы Башкарма комитеты җитәкчесенең беренче урынбасары Р.В. Мөхсинов, авыл җирлекләре башлыклары, шәхси эшмәкәрләр һәм юридик затлар – алкоголь базарында эшчәнлек алып баручылар катнашты.
ТР Дәүләт алкоголь инспекциясенең Түбән Кама территориаль органы башлыгы Вадим Шипилов катнашучыларга 2024-2025 еллар йомгаклары буенча контроль-күзәтчелек эшчәнлеге нәтиҗәләре, шул исәптән профилактик чаралар турында мәгълүмат җиткерде; алкоголь законнары һәм контроль-инспекция эшчәнлеге өлкәсендәге яңалыклар, алкоголь базарында хокук бозуларны булдырмас өчен күрелергә тиешле чаралар турында чыгыә ясады. Ул билгеләп үткәнчә, контроль-күзәтчелек эшчәнлегендә басымны киметү һәм бизнесны үстерү өчен уңайлы шартлар тудыру максатларында профилактик чаралар уздыру өстенлекле юнәлеш булып тора, шуңа күрә хәзерге вакытта басым җаваплылыкка тартуга түгел, ә хокук бозуларны кисәтүгә ясала.
Йомгак: кызыксындырган мәсьәләләр буенча тиешле консультацияләр һәм тәкъдимнәр бирелде. Чара тәмамлангач, катнашучыларга «Госуслуги» порталында профилактик визит үткәрүгә һәм контроль (күзәтчелек) органнары консультациясенә онлайн-язманың эшләве турында хәбәр ителде.