Чирмешәндә алкоголь продукциясен сату буенча йомгак ясалды
2025 елның 11 сентябрендә Чирмешән муниципаль районы учреждение-оешмалары җитәкчеләре һәм авыл җирлекләре башлыклары катнашында чираттагы атналык планерка булды. Утырышны Чирмешән муниципаль районы башлыгы Рамил Айбатов алып барды. Планерка барышында муниципалитет эшчәнлегенең төрле өлкәләренә кагылышлы актуаль мәсьәләләр каралды. Киңәшмәдә Татарстан Республикасы Дәүләт алкоголь инспекциясенең Түбән Кама территориаль органы башлыгы Вадим Шипилов та катнашты, ул үзенең докладында Чирмешән районының алкоголь базарындагы вәзгыять турында сөйләде. Ярты ел эчендә алкоголь продукциясен сатуга анализ ясалды. Татарстан Республикасында җитештерелгән алкоголь продукциясен ваклап сату 7 айда 6,4 мең дал тәшкил иткән. Бу узган ел белән чагыштырганда 101% тәшкил итә. 2025 елда районда үлем белән тәмамланган сыйфатсыз алкоголь продукциясе белән агуланулар теркәлмәгән. Киңәшмә азагында Татарстан Республикасы Дәүләт алкоголь инспекциясенең территориаль органы башлыгы кызыксындырган сорауларга җаваплар бирде.