Бөек Җиңүгә багышлана
Бүген Татарстан Республикасы Дәүләт алкоголь инспекциясенең Арча территориаль органы консультанты Рөстәм Фәрхуллинның бабасы - Бөек Ватан сугышы ветераны турында сөйлибез.
Фәрхуллин Нурислам Фәрхулла улы 1925 елның 27 апрелендә Саба районының Казанчы-Бигенәй авылында туа. 1943 елның декабрендә Совет Армиясе сафларына алына. 98 нче дивизиянең 2 нче Балтыйк буе флоты составында рядовой булып хезмәт итә. Аңа кадәр, бер ай дәвамында, Ивановск өлкәсенең «Горховец» лагеренда әзерлек узган. Бөек Луки һәм Ржев шәһәрләрен азат итүдә катнаша. 1944 елның 3 февралендә Витебск шәһәрен азат иткәндә кулына авыр яра ала. Төрле госпитальләрдә, гомумән алганда, 3,5 ай уздырган. Кыр госпиталеннән Муромск шәһәренең тирән тылына алып китәләр аны. Шулай итеп, аны госпитальдән госпитальгә йөртеп, Арзамас шәһәренә кадәр күчергәннәр. Яралар төзәлә, ләкин бармакларның функционалы югала. 1944 елның маенда хәрби комиссариат Фәрхуллин Нурисламга инвалидлыкның 3 нче группасын бирә һәм кече лейтенантны комиссовать итә. Бабайны 9 тапкыр комиссовать иткәннәр:
- Саба НКВДсына чакыралар да Татвоенкоматка җибәрәләр, аннан сәламәтлегем начар булу сәбәпле, яңадан өйгә кайтарып җибәрәләр, - дип сөйли иде ветеран.
Ул заманда авыллар да авыр чор кичерә, авылда эшче куллар җитми. Фронттан кайтканнан соң икенче көнне үк бабайны конторага чакыртып алалар да, укый-яза белгәнгә күрә, кыр бригадиры итеп билгелиләр. Шунда ук хисапчы булып Гөлбикә исемле кыз эшли, соңыннан ул аның хатыны була.
Хезмәт иткән вакытта бабай түбәндәгеләр белән бүләкләнә:
- 2 нче дәрәҗә Ватан сугышы ордены;
- Сугышчан казанышлар өчен Медаль;
- Батырлык өчен Медаль;
- Жуков Медале;
- Бөек Ватан сугышында Германияне җиңгән өчен медаль.
1945 елда аны милициягә хезмәт итәргә чакыралар. Ул вакытка кулның функционалы торгызыла башлый. Анда ул 1958 елга кадәр хезмәт итә. Аннары Икшермә участок хастаханәсендә дезинфектор булып эшли. Пенсиягә бабай ветеринария больницасы мөдире булып эшләгәндә чыга. Лаеклы ял вакытында да Икшермә участок хастаханәсендә ат караучы булып эшли, хастаханә ябылганчы – 10 елдан артык. Рөстәм Фәрхуллинның бабасы 96 яшендә вафат була.