Уртак күчмә чара уздырдылар
Әлмәт территориаль органы хезмәткәре Ирина Синица Азнакай муниципаль районы Башкарма комитеты җитәкчесе урынбасары, Азнакай муниципаль районы Башкарма комитетының икътисад, сәнәгать һәм сәүдә бүлеге җитәкчесе, Алкоторг вәкиле белән берлектә Азнакай шәһәре һәм Азнакай районының хуҗалык итүче субъектларына карата күчмә чара үткәрде.
Күчмә чара республикада җитештерелгән алкоголь продукциясен сату күләмнәрен анализлау максатында үткәрелде. Төп максаттан тыш, сыра һәм сыра эчемлекләрен сатучы хуҗалык субъектларына минималь бәяләрне тотарга, яраклылык срокларын күзәтергә һәм сыра һәм сыра эчемлекләренең ваклап сату әйләнеше буенча декларацияләрне вакытында тапшырырга киңәш ителде. «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законы нигезләмәләре һәм Россия Федерациясе Хөкүмәтенең 2020 елның 31 декабрендәге 2463 номерлы карары белән расланган сәүдә кагыйдәләре нигезендә аңлатмалар бирелде.