Катнашучы ТР Дәүләт алкоголь инспекциясендә стажировка үтте
Татарстан Республикасы Дәүләт алкоголь инспекциясендә «Батырлар. Татарстан Геройлары» программасында катнашучының стажировкасы узды.
Стажировка очрашулар һәм таныштыру чараларын оештыруны үз эченә алган иде. Вадим Исхаков Дәүләт алкоголь инспекциясе җитәкчесе Җәүдәт Әхмәтханов белән очрашты, анда ул оешманың максатлары һәм бурычлары турында мәгълүмат алды.
Моннан тыш, катнашучы түбәндәге чараларда катнашты:
- структур бүлекчәләр башлыклары белән сентябрь аенда эш йомгаклары буенча киңәшмә. Бу бүлекчә эшчәнлеген координацияләү һәм идарә итү процессларын тирәнрәк аңларга мөмкинлек бирде;
- структур бүлекчәләрнең эшчәнлеге белән танышу, бу исә һәр бүлекнең функционалын һәм аларның Дәүләт алкоголь инспекциясе эшендәге ролен тулысынча аңларга ярдәм итте;
- тартып алынган продукция складына бару, анда конфискацияләнергә тиешле продукцияне саклау, исәпкә алу һәм аның белән эш итү тәртибе аңлатылды.
Шулай ук инспекция бүлекчәләре буенча экскурсия оештырылды, анда стажировка үтүче оешма структурасын, хезмәткәрләрнең вәкаләтләрен һәм ведомство эшчәнлеген җайга сала торган төп норматив-хокукый актларны җентекләп өйрәнде.
Стажировка процессы инспекциянең ведомство буйсынуындагы учреждениесендә — «Татэкспертцентр» дәүләт бюджет учреждениесендә булуны да күздә тоткан иде. Биредә катнашучы үзәкнең эшчәнлеге, алкоголь продукциясенең сыйфатын тикшерүнең юнәлеше белән танышты.
Ике стажировка көне Вадим Миңнулла улының Татарстан Республикасы Дәүләт алкоголь инспекциясе эшенә комплекслы креп китә алуын тәэмин итте, һөнәри компетенцияләре белән баетты һәм Татарстан Республикасында алкоголь җитештерүне һәм аның әйләнешен контрольдә тоту өлкәсендә күзаллауларын киңәйтте.