Кырым Республикасы һәм Севастополь ш. хәмер базары оешмаларын Россиягә интеграцияләү чаралары
“Росалкогольрегулирование”дә күчеш чорында Кырым Республикасы һәм Севастополь ш. хәмер базары оешмаларын Россиягә интеграцияләү чараларын оператив төстә кабул итү өчен Комиссия оештырылды.
Хәзерге вакытта Кырым һәм Севастопольнең хәмер базарлары оешмаларының лицензияләрен яңадан рәсмиләштерү эше төгәлләнде. Лицензияләр бланклары 2014 елның 25 мартыннан “Росалкогольрегулирование” вәкилләре тарафыннан бирелә. Документлар элек бирелгән лицензияләрдә күрсәтелгән гамәлдә булу срогын саклау нигезендә яңадан рәсмиләштерелә.
Хәзер федераль махсус маркалар (ФСМ) бирүгә гаризалар кабул ителә.
Хәмер базары оешмаларыннан ФСМ алуга документлар түбәндәге адрес буенча кабул ителә: Симферополь ш., Казан ур., 29 йорт.
26 мартка “Росалкогольрегулирование”гә Кырым һәм Севастопольнең хәмер базары оешмаларыннан лицензияләрне яңадан рәсмиләштерү турында 76 гариза алынган. Хәзерге вакытта аларның барысы да карап тикшерелгән. Лицензияләрнең дәүләт җыелма реестрына 42 оешма буенча 108 язу кертелгән.