ТР Дәүләт алкоголь инспекциясенең Түбән Кама территориаль органы хәбәр итә
Татарстан Республикасы Дәүләт алкоголь инспекциясенең Түбән Кама территориаль органы контрольлек-инспекция бүлеге хезмәткәрләре тулыр-тулмас бер ай эчендә алкогольле продукцияне сатуда чикләүләрне санга сукмауның 9 очрагын ачыклады. Шулардан – алкогольле продукцияне сату вакытын чикләүне санга сукмыйча сыра сатуның 7 очрагы (Түбән Кама районының авыл җирлегендә – 5; Зәй шәһәрендә – 2 очрак) һәм Түбән Кама ш. җәмәгать транспорты хәрәкәтенең тукталыш пунктларында алкогольле продукция сатуның 2 очрагы. Моннан тыш полиция һәм тикшерү комитеты хезмәткәрләреннән билгеләнгән үрнәктәге маркалардан башка гына Казахстан Республикасында җитештерелгән алкогольле продукция әйләнеше очраклары буенча 9 материал алынды. Казахстанда җитештерелгән 1140 литрдан артыграк аракы һәм коньяк законсыз әйләнештән алынды. Гаепле затларга карата административ хокук бозулар турында беркетмәләр тутырылды, эш материаллары тиешле органнарга карап тикшерүгә җибәрелде.