Татарстан Республикасы Ведомстволары Татарстан Республикасы Дәүләт алкоголь инспекциясе

Хәмер сатучы сайтлар суд карарын көтмичә ябылачак

2014 елның 5 сентябре, җомга

“Росалкогольрегулирование” хәмер эчемлекләрен сату белән шөгыльләнүче сайтларны суд карарыннан башка гына ябарга тәкъдим итте.

Бу җәһәттән тиешле документ, коррупциягә каршы экспертиза үткәрү өчен, норматив-хокукый мәгълүмат ачуның бердәм порталында урнаштырылган.

Ведомство, базарда легаль төстә катнашучыларга ябулар кагылмасын өчен, интернет-ресурсларны бәяләү критерийләрен эшләргә ниятләнә.

Әлеге инициатива кулланучыга сатып алынган товар рәвешендә түгел, бәлки бүләк рәвешендә хәмер эчемлекләрен китерү очракларының артуы сәбәпле күтәрелде. Шуны да искәртеп үтәргә кирәк: тәкъдим ителгән документ кысаларында хәмерне бушлай таратуны тыю да күздә тотыла, дип хәбәр итә “Газета.Ру”.

http://www.alconews.ru/

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Ютазы районында кулланучылар хокукларын яклау

Ютазы районында кулланучылар хокукларын яклау дәрәҗәсен арттыру һәм эчке базарны үстерү буенча комплекслы чаралар узды. Анда Әлмәт территориаль органы башлыгы Миләүшә Михеева һәм эчке базарны үстерү һәм координацияләү бүлеге башлыгы Венера Шәрәфетдинова катнашты.

Мамадыш районында кулланучылар грамоталылыгы

Яр Чаллы территориаль органы белгечләре Мамадыш районында күчмә мәгълүмати-агарту чарасы уздырдылар. Очрашу кысаларында эчке базарны үстерү һәм координацияләү бүлеге хезмәткәрләре җирле халыкка һәм эшмәкәрләргә Кулланучылар хокукларын яклау мәсьәләләре буенча консультацияләр бирделәр. Визитның төп максаты-халыкның хокукый грамоталылыгын арттыру һәм кулланучылар базарында үз-үзеңне дөрес тоту күнекмәләрен формалаштыру.

Белгечләр кибет сатучылары өчен укыту семинары үткәрделәр

Профилактика чаралары кысаларында Татарстан Республикасы Дәүләт алкоголь инспекциясенең Чистай территориаль органы һәм Татарстан Республикасы буенча Роспотребнадзор ҖЧҖ белгечләре Алексеевск бистәсендә «Пятерочка» кибете хезмәткәрләре өчен семинар үткәрделәр.

апрель, 2026 ел

Буа районының Әлшәй мәктәбендә Кулланучылар хокукларын яклау буенча дәрес узды

Яшел Үзән территориаль органы һәм Роспотребнадзор белгечләре мәктәп укучылары өчен кулланучылар хокуклары турында семинар үткәрделәр. Укучылар товарны ничек алыштырырга, сыйфатсыз сатып алуны кире кайтарырга һәм онлайн-заказлар вакытында үз мәнфәгатьләрен якларга белделәр. «Честный ЗНАК» мобиль кушымтасы аша товарларны тикшерүгә аерым игътибар бирделәр. Соңыннан балалар викторинада катнаштылар һәм тематик буклетлар һәм «Вестник потребителя Татарстана» газетасын алдылар.

ЯҢАЛЫКЛАРГА ЯЗЫЛУ