Төнге рейдлар дәвам итә

Декабрь башларында Чаллы шәһәрендә алкогольле продукцияне лицензиясез сату фактларын ачыклау һәм мондый очракларны булдырмый калу буенча мобиль төркем төнге сәгатьләрдә эшләвен дәвам иттерде.

Рейдлар барышында “Три медведя” һәм “Метрополь” кафесында лицензиясез эшчәнлекнең ике очрагы ачыкланды. Барлыгы 49 литр күләмендә алкогольле продукция законсыз әйләнештән алынды. Закон бозучыларга карата ТР Дәүләт алкоголь инспекциясенең Чаллы территориаль органы белгечләре тарафыннан РФ КоАП 14.1 статьясының 2 өлеше буенча административ беркетмәләр тутырылды.

Рейд барышында салым хезмәте хезмәткәрләре тарафыннан тиешле товарга акча кабул итеп алуны раслаган документларсыз гына сыра сату факты буенча закон бозулар да ачыкланды әле.