Әгерҗе районында – киңәшмә
4 март көнне Әгерҗе районы хакимиятенең актлар залында эшкуарлар, оешма җитәкчеләре, районның авыл җирлекләре башлыкларының берләштерелгән киңәшмәсе булды. Зал фойесында җирле җитештерүчеләр продукциясеннән күргәзмә-дегустация оештырылган иде.
Татарстан Республикасы Дәүләт алкоголь инспекциясенең Чаллы территориаль органының эш йомгаклары турында территориаль орган начальнигы урынбасары Лариса Богатова мәгълүмат бирде. Киңәшмәдә райондагы проблемалы юнәлешләр карап тикшерелде:
- алкогольле продукция сатуның кимүе;
- Казахстаннан кертелүче тиешле маркировкасыз алкогольле продукцияне сату;
- “ике төрле билгеләнештәге” спиртлы продукция сату;
- алкогольле продукцияне лицензиясез сату;
- яраклылык вакыты чыккан һәм яраклылык вакыты турындагы мәгълүмат билгеле булмаган товарларны сату.